كعادتي دايما في الشغل ,قاعد على مكتبي والكمبيوتر قدامي والنت واصل وكله تمام التمام .. وبما أن المسنجر صديق كفاح
وهو أون لاين على طول وعلى غير العادة لقيت ان عندي رسالة جديدة (مش اعلانات ووجع دماغ) ففتحتها فلقيتها رسالة
طويلة جدا "كيمو عملت بلوج وده اللينك " :-)) , وطبعا وبما ان حضرتنا - الرعية المبجلين- من أصحاب الواجب فطلبت
الاذن اكتب في افتتاحية البلوج كلمتين كده من اللي بيخرجوا من قريحة الواحد - وطبعا زي ما الكل عارف اني صاحب قرحة
أكتيف طول الوقت - فخرج الاهداء بسرعة وبطريقة مختلفة عن اللي بكتبه عن العادة -:))

صحيت من نومي وعلى فطوري
قالولي الحق خبر جديد
جديد جديد لـــكن اكـــــــــــــيد
ان نها عملت بِِــــــلوج
دخلت بسرعة وقلت أوعى
أنا أول واحد لازم ابارك
لبلوج جامد والشكل وردي
والاسم هو سيرينديبتي